संगालोखबर 
विराटनगर । कोशी प्रदेश सरकारले प्रदेश योजना आयोगमा चारजना सदस्य नियुक्त गरेको छ । सोमबार बसेको प्रदेश मन्त्रिपरिषद् बैठकले आयोगको सदस्यमा डा. सीताराम बस्नेत, किशोरकुमार राई, भवानी बराल र नमिता न्यौपानेलाई नियुक्त गरेको हो ।
Advertisement
मुख्यमन्त्री अध्यक्ष हुने प्रदेश योजना आयोगको उपाध्यक्षमा डा. राजेन्द्र अधिकारी छन् । यसैगरी, मन्त्रिपरिषद् बैठकले आर्थिक मामिला तथा योजनामन्त्री रामबहादुर मगरको संयोजकत्वमा राजनीतिक तथा शान्ति वार्ता समिति पनि गठन गरेको छ ।
उक्त समितिमा भौतिक पूर्वाधार विकासमन्त्री गणेशप्रसाद उप्रेती र आन्तरिक मामिला तथा कानुनमन्त्री लिलाबल्लभ अधिकारी सदस्य छन् । समितिको सदस्य सचिवको जिम्मेवारी आन्तरिक मामिला तथा कानुन मन्त्रालयका सचिव लक्ष्मीप्रसाद पौडेललाई दिइएको छ ।
