इलाम । मेची राजमार्गमा पर्ने इलामको रोङ गाउँपालिका–४ मा भएको भ्यान दुर्घटनामा एकजनाको मृत्यु भएको छ । प्रहरीका अनुसार झापाबाट इलाम आइरहेको मे १ ज ३२६३ नम्बरको मारुती भ्यान दुर्घटना भएको हो ।
दुर्घटनामा देउमाइ–६ का २५ वर्षीय दिपेश राईको मृत्यु भएको प्रहरीले जनाएको छ । भ्यान दुर्घटनामा केही यात्रु घाइते भएका छन् । उनीहरुको उद्धार गरेर उपचारका लागि स्वास्थ्य संस्थामा लैजाने काम भइरहेको प्रहरीले जनाएको छ ।
Advertisement
इलाका प्रहरी कार्यालय पशुपतिनगरको टोलीले घटनास्थल पुगेर घाइतेहरुको उद्धार गरेको जनाइएको छ । भ्यानमा कति यात्रु थिए भन्ने यकिन भइसकेको छैन । दुर्घटनाबारे विस्तृत विवरण आउन बाँकी छ ।
