विराटनगर । उच्च अदालत विराटनगरले खेलकुद विकास बोर्ड, कोशीको सदस्य सचिवमा कृष्ण बस्नेत (पर्शुराम) लाई पुनर्बहाली गर्न आदेश दिएको छ । न्यायाधीशद्वय ममता खनाल र केशवप्रसाद बास्तोलाको संयुक्त इजलासले सोमबार बस्नेतलाई पुनर्बहाली गर्न आदेश दिएको हो ।
Advertisement
उच्च अदालतको यो आदेशसँगै हालका सदस्यसचिव हंशराज वाग्ले पदमुक्त भएका छन् । २०७८ चैत २१ गते बसेको तत्कालीन मन्त्रिपरिषद् बैठकले बस्नेतलाई पदमुक्त गरेको थियो ।
मन्त्रिपिषिद् बैठकले ओखलढुंगाका वाग्लेलाई सदस्य सचिवमा नियुक्त गरेको थियो । तत्कालीन सामाजिक विकासमन्त्री राजन राईले बस्नेतलाई पदमुक्त गर्दै वाग्लेलाई सदस्य सचिवमा नियुक्त गरेका थिए ।
उक्त निर्णयविरुद्ध बस्नेतले उच्च अदालतमा अन्तरिम आदेशको मागसहित मुद्दा दायर गरेका थिए । बस्नेतलाई तत्कालीन मुख्यमन्त्री भीम आचार्यले २०७८ असोज २४ गते बोर्डको सदस्य सचिव नियुक्त गरेका थिए ।
