तेह्रथुम । तेह्रथुमको म्याङ्लुङ नगरपालिका-६ मा श्रीमानले श्रीमतीको हत्या गरेका छन् । ४६ वर्षीय दीपक लिम्बुले घरायसी विवादका क्रममा ५४ वर्षीया श्रीमती सुवासकुमारी लिम्बुको हत्या गरेका हुन् ।
Advertisement
सोमबार साँझ करिब ७ बजे दिपकले श्रीमती सुवासकुमारीलाई सिकल प्रहार गरेका थिए । धारिलो हतियार प्रहार गर्दा उनको घटनास्थलमै मृत्यु भएको प्रहरीले जनाएको छ ।
घटनाको जानकारी पाएपछि जिल्ला प्रहरी कार्यालयबाट गएको प्रहरी टोलीले दिपकलाई पक्राउ गरेको छ । मृतकको शवलाई पोस्टमार्टमका लागि जिल्ला अस्पताल ल्याइएको छ ।
