धनकुटा । धनकुटा बसपार्कमा आज साँझ खेलाइएको हाउजी विंगो खेलमा एकैसाथ दुई जनाले हाउसफुल गरेर मोटरसाइकल पुरस्कार जितेका छन् ।
Advertisement
धनकुटाको महालक्ष्मी नगरपालिका–९ मूर्तिढुंगा घर भई धरान बस्दै आएका रिजन लिम्बू र खोटाङ घर भई धनकुटा बस्दै आएका रुद्रप्रसाद फुँयालले हाउसफुल गरेका हुन् ।
देउराली युवा क्लबले ३ सय रुपैयाँका दरले टिकट बिक्री गरेर खेलाएको हाउजीमा हाउसफुल गर्नेलाई १५० सीसीको पल्सर मोटरसाइकल पुरस्कार राखिएको थियो । रिजन र रुद्रले एकैसाथ हाउसफुल गरेकाले उनीहरूलाई सो मोटरसाइकल संयुक्त रुपमा प्रदान गरिएको छ ।
दुवै जनालाई पुरस्कार स्वरुप एउटै मोटरसाइकल परेकाले उनीहरूले मोटरसाइकलको आधा/आधा मूल्य बराबरको मात्र स्वामित्व पाउने आयोजकले जनाएको छ ।
