धनकुटा । प्रदेश नं.१ पुनः नामांकन संयुक्त संघर्ष समिति जिल्ला समन्वय समितिले धनकुटामा आव्हान गरेको बन्द फिर्ता भएको छ ।
Advertisement
धनकुटाको राजारानीमा चार वटा गाडी तोडफोड गरेको आरोपमा पक्राउ परेका राजारानीका मनकुमार याम्फु, बुलन चेम्जोङ लिम्बू र सानु लिम्बुलाई बिनासर्त छोड्नुपर्ने माग गर्दै संघर्ष समितिले आजबाट अनिश्चितकालीन धनकुटा बन्द आव्हान गरेको थियो ।
पक्राउ परेका तीनै जना छुटेपछि दिउँसो १२ बजेबाट बन्द फिर्ता लिइएको संघर्ष समितिका संयोजक सञ्जयसन्तोषी राईले जानकारी दिए । आवश्यक परेको अवस्थामा बोलाउँदा उपस्थित हुने सर्तमा उनीहरूलाई छोडिएको प्रमुख जिल्ला अधिकारी पुण्यविक्रम पौडेलले बताए ।
फोक्लेण्डटापु, भेडेटार लगायत क्षेत्रमा बन्दकर्ता निस्किएर सडक अवरोध गरेका कारण बिहानैदेखि सवारी साधन रोकिएर बसेका थिए । बन्द फिर्ता भएसँगै सवारी साधन सञ्चालन हुन थालेका छन् ।
यसअघि प्रकाशित…
