संगालोखबर सम्बाददाता 
धनकुटा । जंगली च्याउ खाएर बिरामी परेका धनकुटाको सहिदभूमि गाउँपालिका–३ का ७ वर्षीय बालक सचिन राईको मृत्यु भएको छ । च्याउ खाएर आमाको मृत्यु भएको १७ घण्टापछि छोरा सचिनको पनि ज्यान गएको हो ।
Advertisement
धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा गएराती २ः२० बजे सचिनको मृत्यु भएको जिल्ला प्रहरी कार्यालय धनकुटाले जनाएको छ । उनकी आमा २८ वर्षीय मुना राईको हिजो बिहान ९ः१५ बजे मृत्यु भएको थियो ।
सहिदभूमि घर भई धनकुटा नगरपालिका–७ चुलिबन बस्दै आएका उनीहरूले गत सोमबार जंगली च्याउ खाएका थिए । अत्याधिक वान्ता र झाडापखाला लागेपछि बुवा एमजित, आमा मुना र छोरा सचिन मंगलबार जिल्ला अस्पताल भर्ना भएका थिए ।
जिल्ला अस्पतालमा उपचारपछि बुवा एमजित निको भए । तर, आमा-छोरालाई सुधार नभएपछि उनीहरूलाई धरान लगिएको थियो ।
यसअघि प्रकाशित
