धनकुटा । धनकुटाको साँगुरीगढी गाउँपालिका–६ ओख्रेस्थित कन्यापोखरी नजिक पहिरो खस्दा भेडेटार–राजारानी सडक अवरुद्ध भएको छ । आज दिउँसो करिब ३ः३० बजे सुख्खा पहिरो खस्दा सडक अवरुद्ध भएको हो ।
सो क्षेत्रको सडक विस्तारको काम भइरहेको छ । सडक विस्तारका क्रममा स्काभेटरले भित्तो खन्ने क्रममा माथिबाट पहिरो खसेको हो । सडक अवरुद्ध भएपछि दर्जनौँ सवारी साधन बिच बाटोमै अलपत्र परेका छन् ।
Advertisement
सडक खुलाउँन अहिले स्काभेटरले पहिरो पन्छाउने काम गरिरहेको छ । पहिरो थप नबढे करिब दुई घण्टापछि सडक खुल्ने सम्भावना रहेको बताइएको छ ।
