विराटनगर । नियमित उडान बन्द भएको १४ बर्षपछि बिहीबार विराटनगर–ताप्लेजुङ परीक्षण उडान गरिएको छ । नेपाल वायु सेवा निगमले प्रदेश राजधानी विराटनगर र ताप्लेजुङबीचको परीक्षण उडान गरेको हो ।
काठमाडौंबाट आएको जहाजले ताप्लेजुङ–विराटनगर–ताप्लेजुङ उडान गरेको छ । परीक्षण उडान गरिएपनि अब नियमित उडानको भने टुंगो लागेको छैन । ताप्लेजुङमा २०३२ सालमा विमानस्थल निर्माण भएको हो । त्यसयता २०६५ सालसम्म विराटनगर–ताप्लेजुङ मात्र उडान हुँदै आएको थियो ।
Advertisement
काठमाडौं–ताप्लेजुङ उडान सुरु भएपछि विराटनगरको उडान रोकिएको हो । अहिले सातामा दुई दिन बिहीबार र शनिबार काठमाडौं–ताप्लेजुङ उडान हुँदै आएको छ ।
