झापा । झापाको मेचीनगर नगरपालिका स्थित पूर्व पश्चिम राजमार्गको ट्राफिक पोष्ट छेउमा आज बसको ठक्करबाट पैदलयात्रीको मृत्यु भएको छ । मृत्यु हुँनेमा स्थानीय ४० वर्षीय चेतनाथ फुयाल छन् ।
बिहान पौने १० बजे सडक पार गर्दै गरेका फुयाललाई पूर्वबाट पश्चिमतर्फ जाँदै गरेको बाग्मती प्रदेश ३–००१ ख १६०२ नम्बरको यात्रुबाहक बसले ठक्कर दिएको थियो । बसको ठक्करबाट फुयाल गम्भीर घाइते भएका थिए । उनलाई उपचारका लागि बिर्तामोडस्थित बिएण्डसि अस्पताल लगिएको थियो । उपचारकै क्रममा उनको मृत्यु भएको प्रहरीले जनाएको छ ।
Advertisement
बस र चालकलाई इलाका प्रहरी कार्यालय काँकडभिट्टाले नियन्त्रणमा लिएको छ ।
