धनकुटा । धनकुटाको साँगुरीगढी गाउँपालिका–६ फेदीबाट गाँजासहित दुई जना पक्राउ परेका छन् । पक्राउ पर्नेमा सहिदभूमि गाँउपालिका–७ का २६ वर्षीय प्रदिप राई र सोही स्थानका एक बालक छन् ।
Advertisement
मंगलबार दिउँसो करिब १२ बजे मूलघाट प्रहरी चौकीबाट खटिएको प्रहरी टोलीले राजमार्गमा चेकजाँच गर्ने क्रममा उनीहरूको साथमा गाँजा फेला परेको हो । गुठिटारबाट भेडेटारतर्फ जादै गरेको को ३९ प ६५६७ नम्बरको मोटरसाइकलमा सवार उनीहरूको साथबाट ५ किलो गाँजा बरामद भएको जिल्ला प्रहरी कार्यालय धनकुटाले जनाएको छ ।
पक्राउ परेका दुवै जना अहिले जिल्ला प्रहरी कार्यालयको हिरासतमा छन् । उनीहरूको कारोबारका विषयमा प्रहरीले अनुसन्धान गरिरहेको छ ।
