संखुवासभा । संखुवासभाको खाँदबारी नगरपालिका–९ तुम्लिङटारमा स्कारपिओ गाडीको ठक्करबाट आज एक बालिकाको मृत्यु भएको छ। गाडीको ठक्करबाट भोजपुरको षडानन्द नगरपालिका–५ की ३ वर्षीया मनिषा विष्टको मृत्यु भएको हो।
Advertisement
दिउँसो साढे १२ बजे तुम्लिङटार बस स्टेसन नजिकै बा २० च ९५०२ नम्बरको गाडीले पैदल हिँडिरहेकी ती बालिकालाई सडक पार गर्ने क्रममा ठक्कर दिएको थियो । ठक्करबाट घाइते भएकी बालिकाको उपचारका क्रममा तुम्लिङटारस्थित मनकामना सामुदायिक अस्पतालमा मृत्यु भएको हो ।
चालक पाँचखपन नगरपालिका–१ का गोविन्द श्रेष्ठलाई नियन्त्रणमा लिइएको र घटनाका बारेमा थप अनुसन्धान भइरहेको प्रहरीले जनाएको छ।
