![](https://sangalokhabar.com/wp-content/uploads/2019/03/pakrau.jpg)
विराटनगर । विराटनगर महानगरपालिका–१२ स्थित महेन्द्र मोरङ क्याम्पस अगाडिबाट लागुऔषध ब्राउन सुगरसहित दुई जना पक्राउ परेका छन् । पक्राउ पर्नेमा विराटनगर–६ का ४० बर्षीय नारायण महतो र सप्तरीको हनुमाननगर–९ घर भई विराटनगर–११ बस्ने २५ बर्षीय सुमन कुमार राय छन् ।
अस्थाई प्रहरी पोष्ट बखरीबाट खटिएको प्रहरी टोलीले भारतबाट नेपालतर्फ साइकलमा आउँदै गरेका महतोलाई पक्राउ गरेको हो । प्रहरीले चेकजाँच गर्ने क्रममा उनको साथबाट ५ ग्राम ७०० मिलिग्राम ब्राउन सुगर बरामद गरेको छ । महतोको बयानका आधारमा लागुऔषध ओसार पसारमा संलग्न रहेको खुलेपछि सोही स्थानबाट रायलाई पनि स ३ प ५१८४ नम्बरको मोटरसाइकलसहित नियन्त्रणमा लिइएको प्रहरीले जनाएको छ ।
पक्राउ परेका दुबै जनाको विषयमा जिल्ला प्रहरी कार्यालय मोरङबाट थप अनुसन्धान भइरहेको छ ।