उदयपुर । उदयपुरमा सुतिरहेकै ठाउँमा एक महिला मृत भेटिएकी छन् । उदयपुरगढी गाउँपालिका–७ नागवेलीकी ३७ बर्षीया दिल कुमारी राई ओछ्यानमै सुतिरहेको अवस्थामा मृत भेटिएकी हुन् ।
गएराती खाना खाएर सुतेकी राई सुतेकै ठाउँमा मृत अवस्थामा रहेको भनेर आज बिहान करिव ११ बजे अस्थाई प्रहरी पोष्ट नेपालटारमा टेलीफोनमार्फत जानकारी आएको थियो । घटनाको जानकारी पाएपछि जिल्ला प्रहरी कार्यालय उदयपुरबाट प्रहरी निरीक्षकसहितको टोलि घटनास्थल गएको थियो ।
Advertisement
राईको शवलाई पोष्टमार्टमका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको र घटनाको विषय अनुसन्धान भइरहेको जिल्ला प्रहरी कार्यालय उदयपुरका सूचना अधिकारी प्रहरी नायव उपरीक्षक सन्तोष आचार्यले जानकारी दिए ।
