संखुवासभा । संखुवासभाको चैनपुर–१, स्थित नुनढाकीको बिहीबारे क्षेत्रमा सडक मर्मतका क्रममा आज बिहान खसेको सुख्खा पहिरोले दुई मजदुरलाई पुरेको छ ।
Advertisement
चैनपुर–गुफापोखरी सडक खण्ड मर्मत गर्ने क्रममा बिहान करिब ११ बजे उदयपुरका ३५ वर्षीय हेम मगर र धरानका १९ वर्षीय रामकुमार राईलाई ढिस्कोले पुरेको हो ।
काम गरिरहेको अवस्थामा माथिबाट खसेको ढिस्कोले उनीहरुलाई पुरेको स्थानीयबासीले बताएका छन् । उनीहरु दुवैजना ग्याबिन वालको काम गर्ने मजदुर हुन् ।
घटनाको जानकारी पाएपछि प्रहरी चौकी नुनढाकी र इलाका प्रहरी कार्यालय चैनपुरको टोली घटनास्थल गएको छ । स्काभेटर लगाएर उनीहरुलाई निकाल्ने प्रयास भइरहेको प्रहरीले जनाएको छ ।
