धनकुटा । धनकुटाको सहिदभूमि गाउँपालिका–६ थलथलेस्थित ठाकुरदेवी माध्यमिक विद्यालय र ६ नं. वडा कार्यालय (क), (ख), (ग) मतदान केन्द्रमा आज भएको मतदानमा ७४ प्रतिशतले मत खसालेका छन् ।
Advertisement
वैशाख ३० गते भएको मतदानका क्रममा नभएका मान्छेका नामबाट पनि मतदान गरियो भन्ने विषयमा लोकतान्त्रिक गठवन्धन र नेकपा एमालेका प्रतिनिधिबीच विवाद हुँदा मतदान स्थगित भएको थियो ।
सो मतदान केन्द्रमा पुनः मतदान गर्दा १८६० जना मतदाताले मत खसालेका हुन् । सो स्थानमा २५१३ जना मतदाता छन् । जसमध्ये ९१३ पुरुष र ९४७ महिलाले मतदान गरेका हुन् ।
बिहान ७ बजेदेखि साँझ ५ बजेसम्म मतदानका लागि समय निर्धारण गरिएको थियो ।
