![](https://sangalokhabar.com/wp-content/uploads/2018/05/Tyacktor-accident.jpg)
भोजपुर । भोजपुरको रामप्रसाद राई गाउँपालिका–५ स्थित भोजपुर–मानेभन्ञ्याङ सडक खण्डमा ट्याक्टर दुर्घटना हुँदा एक जनाको मृत्यु भएको छ । मृत्यु हुँनेमा रामप्रसादराई–७ का २० बर्षीय जेबि राई छन् ।
गएराती १० बजे भोजपुरबाट ईटा बोकेर बासीखोरातर्फ जाँदै गरेको प्रदेश १–०२–००३ त २२४९ नम्बरको ट्याक्टर अनियन्त्रित भई सडकबाट करिव २०० मिटर तल झरेको थियो । दुर्घटनामा राई गंभीर घाइते भएका थिए ।
घटनाको जानकारी पाएपछि ईलाका प्रहरी कार्यालय घोडेटारको टोली घटनास्थल गएर घाइतेलाई जिल्ला अस्पताल भोजपुर पठाएको थियो । अस्पताल पुर्याएपछि डाक्टरले राईलाई मृत घोषित गरेका थिए ।