मोरङ । मोरङको सुनवर्षी नगरपालिका–८ बाट खैरो हिरोइनसहित एक जना पक्राउ परेका छन् । सुनवर्षी–१ का २३ बर्षीय बिनोद तामाङलाई प्रहरीले खैरो हिरोइनसहित हिजो साँझ पक्राउ गरेको हो ।
Advertisement
साँझ करिब ७ बजे प्रहरी चौकी सिक्टीबाट खटिएको गस्ति टोलीले हिडिरहेको अवस्थामा शंका लागेर तामाङको खानतलासी गर्दा लागुऔषध बरामद भएको हो । उनले प्लास्टिकमा पोको पारी शरिरमा लुकाएर राखेको १ ग्राम ७४० मिलिग्राम खैरो हिरोईन बरामद भएको प्रहरीले जनाएको छ ।
तामाङलाई पक्राउ गरेर उनको कारोवारका विषयमा थप अनुसन्धान भइरहेको इलाका प्रहरी कार्यालय रंगेलीले जनाएको छ ।
