झापा । झापाको भद्रपुर नगरपालिका–६ नयाँ बस्तीबाट कटुवा पेस्तोलसहित आज एक युवा पक्राउ परेका छन् । पक्राउ पर्नेमा स्थानीय २४ बर्षीय मुगालाल माझी छन् ।
Advertisement
विशेष सूचनाका आधारमा बिहान करिव साढे ६ बजे वडा प्रहरी कार्यालय भद्रपुरबाट खटिएको प्रहरी निरीक्षक दल कुमार राईसहितको टोलीले उनलाई पक्राउ गरेको हो । प्रहरीले माझीको घरमा खानतलासी गर्दा झोलामा लुकाई राखेको अवस्थामा एउटा कटुवा पेस्तोल बरामद गरेको हो ।
पक्राउ परेका माझीको विषयमा थप अनुसन्धान भइरहेको जिल्ला प्रहरी कार्यालय झापाले जनाएको छ ।
