धनकुटा । धनकुटा नगरपालिका–७ स्थित तमोर भ्याली स्कुल नजिक मोटरसाइकलको ठक्करबाट एक महिला घाइते भएकी छन् । धनकुटा बजारबाट चुलिवनतर्फ जाँदै गरेको को १६ प २०१७ नं. को मोटरसाइकलले बिहिबार साँझ करिब ७ बजे पैदलयात्री महालक्ष्मी नगरपालिका–२ की ५४ बर्षीया खड्गमायाँ कटुवाललाई ठक्कर दिएको हो ।
ठक्करबाट टाउकोमा चोट लागेर घाइते भएकी कटुवाललाई उपचारका लागि धनकुटा जिल्ला अस्पताल ल्याइएको थियो । त्यहाँबाट थप उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको छ ।
Advertisement
घटनापछि मोटरसाइकल र चालक धनकुटा नगरपालिका–७ सिरवानीका २७ बर्षीय रितेस विसुंखेलाई नियन्त्रणमा लिइएको जिल्ला ट्राफिक प्रहरी कार्यालय धनकुटाले जनाएको छ ।
