डोटी, २१ साउन । डोटीको बोगटान गाउँपालिका–६ गगुडाधारमा गएराति जीप दुर्घटना हुँदा ९ जनाको घटनास्थलमै मृत्यु भएको छ । दुर्घटनामा परी सात जना घाइते भएका छन ।
Advertisement
दिपायलदेखि चमरचौतारा जाँदै गरेको से १ ज ४९१ नम्बरको जीप राति करिव ११ बजे दुर्घटना भएको हो । दुर्घटनामा परी डोटीको वोक्ताङ गाउँपालिका–१ बस्ने ३५ बर्षीय बिष्णु बहादुर मगर, ५० बर्षीया बुढो घर्तीमगर, ४५ बर्षीय गोरख थापा, ४५ बर्षीया ललितादेवी पुनमगर र ४८ बर्षीय ससिरान बहादुर पुन मगरको घटनास्थलमै मृत्यु भएको प्रहरीले जनाएको छ ।
त्यस्तै वोक्ताङ गाउँपालिका–१ कै ३० बर्षीय चन्द्र बहादुर घर्ती मगर, ५५ बर्षीय भीम घर्ती मगर र जीप चालक शिखर नगरपालिका–१ का २८ बर्षीय बिष्णु मेदीको घटनास्थलमै मृत्यु भएको डोटी प्रहरीले जनाएको छ ।
घाइते ७ जनालाई उद्धार गरी सुजङ अस्पताल ल्याईदै गरेको प्रहरीले जनाएको छ । रातिको समय र बर्षा भएकाले घाइतेको उद्धारमा केही ढिलाई भएको छ । जीप सडकबाट करिव ५ सय मिटर तल खसेको छ ।
