बसको ठक्करबाट घाइते शर्माको मृत्यु

इनरुवा। सुनसरीको दुहबी नगरपालिकामा बसको ठक्करबाट घाइते भएका एकजनाको मंगलबार मृत्यु भएको छ ।

गत आइतबार सुनसरीको दुहबी नगरपालिकामा बसको ठक्करबाट साइकलमा सवार घाइते सुशील शर्माको उपचारको क्रममा मृत्यु भएको हो ।

कोशी राजमार्गअन्तर्गत सुनसरीको दुहबी नगरपालिका–३ स्थित कोशी राजमार्गमा विराटनगरतर्फ जाँदै गरेको ना ५ ख ४९९७ बसले दुहबी नगरपालिका–६ बस्ने ४२ वर्षीय शर्मालाई ठक्कर दिएको थियो ।

ठक्करबाट घाइते शर्माको गोल्डेन अस्पताल, विराटनगरमा उपचार भइरहेकोमा मंगलबार मृत्यु भएको जिल्ला प्रहरी कार्यालय सुनसरीले जनाएको छ । ठक्कर दिने बस र चालक प्रहरीको नियन्त्रणमा रहेको छ ।