जीप दुर्घटना हुँदा ८ जनाको मृत्यु

कास्की । कास्कीमा जीप दुर्घटना हुँदा ८ जनाको मृत्यु भएको छ । पोखराबाट घान्द्रुक जाँदै गरेको ग १ ज ६९०० नम्बरको बोलेरो जीप घान्द्रुकको कलाभीरबाट मोदी खोलामा खसेको हो ।

दुर्घटनामा परी जीपका चालकसहित ८ जनाको घटनास्थलमै मृत्यु भएको प्रहरीले जनाएको छ । मृतकहरुको सनाखत हुँन वाँकी छ । जीपमा ९ जना सवार थिए । १ जना भने भीरमा अड्किएर बाँचेका छन् ।

Advertisement

दशैंका बेला घान्द्रुक घुम्न जाँदै गरेका बेला जीप दुर्घटनामा परेको हो । घान्द्रुक जानका लागि सो जीप सोमबार दिउँसो २ बजे पोखराबाट छुटेको थियो ।