पाँचथर ।पाँचथर सदरमुकाम फिदिमदेखि फालेलुङ गाँउपालिकाको मेमेङ तर्फ गइरहेको जिप दुर्घटना हुँदा १३ जना घाइते भएका छन् । जिप मेची राजमार्ग अन्तर्गत फिदिमको सारन्तामा सडकबाट करिव दुई सय मिटर तल खसेको हो ।
Advertisement
शुक्रवार दिउँसो दुर्घटनामा परेको मे १ ज १८९२ नम्बरको जिपमा सवार सबै घाइते छन् । उनीहरूको पाँचथर जिल्ला अस्पतालमा उपचार भइरहेको छ ।
घाइते हुनेहरूमा रमिला खपांगी, उनका छोरा लक्की खपांगी, समिप गुरुङ, शिखा तामाङ, विक्रम राई, मिरा तामाङ, हेमराज खनाल, तेजबहादुर गुरुङ, बलबहादुर खत्री, भानुभक्त खनाल, दावा गुरुङ, निमा गुरुङ र बल बहादुर गुरुङ रहेका छन् ।
