बँदेल मार्न थापेको पासोबाट करेन्ट लाग्दा दाजुभाईको मृत्यु

बैतडी । बैतडीमा बँदेल मार्न थापेको पासोबाट करेन्ट लाग्दा दाजुभाईको मृत्यु भएको छ । मकैबारीमा आउँने जंगली बँदेल मार्न छोडिएको तारबाट करेन्ट लाग्दा सुर्नया गाउँपालिका–५ स्वालीका २१ वर्षीय सन्तोष चन्द र १८ वर्षीय अमृत चन्दको मृत्यु भएको हो ।

उनीहरु सहोदर दाजुभाई हुन् । प्रहरीका अनुसार घर नजिक मकैबारीमा जंगली बँदेललाई पासो थाप्न तार छोडिएको थियो । सोही तारबाट बुधबार राती करिब ९ बजे उनीहरुलाई करेन्ट लागेको प्रहरीले जनाएको छ ।

Advertisement

घटनाको जानकारी पाएपछि इलाका प्रहरी कार्यालय पाटनबाट प्रहरी टोली गएको छ । घटनाको विषयमा थप अनुसन्धान भइरहेको जिल्ला प्रहरी कार्यालय बैतडीले जनाएको छ ।