संखुवासभा । संखुवासभाको खाँदबारी नगरपालिका १ तिलार नयाँबस्तीमा एक युवाले आफ्नै साथीको हत्या गरेका छन् । नयाँबस्तीका २४ बर्षीय मुकेस तामाङले कुखुरी प्रहार गरी चिचिला गाउँपालिका–२ का २६ बर्षीय पेमा शेर्पाको हत्या गरेका हुन् ।
पेमा नयाँबस्तीस्थित दिदीको घरमा बस्दै आएका थिए । आज बिहान ९ बजे घरदेखि करिब ५ सय मिटर दक्षिणको खोल्सीमा उनको शब फेला परेको हो । घटनाको जानकारी पाएपछि जिल्ला प्रहरी कार्यालय संखुवासभाबाट प्रहरी टोली घटनास्थल गएको थियो ।
Advertisement
घटनाको प्रारम्भिक अनुसन्धानका क्रममा मुकेसलाई नियन्त्रणमा लिएर सोधपुछ गर्दा हत्याको रहस्य खुलेको हो । आफ्नो घरमा आएका पेमालाई गएराती करिब २ बजे पुरानो रिसिईबीका कारण खुकुरी प्रहार गरेको मुकेसले प्रहरीसमक्ष स्वीकार गरेका छन् ।
खुकुरी प्रहार गरी घाईते बनाएर छोडेको उनले प्रहरी समक्ष बयान दिएका छन् । मुकेसलाई नियन्त्रणमा लिएर प्रहरीले घटनाको विषयमा थप अनुसन्धान गरिरहेको छ ।
