इलाम । इलामको फाकफोकथुम गाउँपालिकामा हिड्ने क्रममा चिप्लिएर लड्दा एक जनाको मृत्यु भएको छ । फाकफोकथुम–२ कोलबोटेका ५२ बर्षीय लालबहादुर राईको लडेर मृत्यु भएको हो ।
सोमबार बेलुका ५ बजे गाँउबाट घर फर्कने क्रममा घर नजिकै उनी चिप्लिएर लडेका थिए । बाटोबाट लडेर करिब ७ मिटर तल खस्दा उनको मृत्यु भएको प्रहरीले जनाएको छ ।
घटनाको जानकारी पाएपछि इलाका प्रहरी कार्यालय मंगलबारेबाट प्रहरी टोली घटनास्थल गएको छ । मृतकको शवलाई पोष्टमार्टमका लागि अस्पताल लगिएको छ ।
















