धरान । कोरोना महामारीमा फ्रन्टलाइनमा खटिने सुरक्षाकर्मीहरुलाई युवा संघ नेपाल धरान नगर समितिले स्वास्थ्य सामाग्री प्रदान गरेको छ । संघको स्थापना दिवशको अवसर पारेर नेपाल प्रहरी, सशस्त्र प्रहरी र ट्राफिक प्रहरीलाई माक्स, सेनिटाइजर र फेससिल्ड प्रदान गरिएको हो ।
Advertisement
प्रहरीका बिभिन्न युनिटहरुलाई १ हजार २ सय ५० थान माक्स, १ सय २३ थान फेससिल्ड र २० लिटर सेनिटाइजर वितरण गरिएको संघका नगर अध्यक्ष भवानी दाहालले बताए । उनका अनुसार इलाका प्रहरी कार्यालय धरानलाई ६ सय थान माक्स, ५० थान फेससिल्ड र ५ लिटर सेनिटाइजर प्रदान गरिएको छ । त्यस्तै, सशस्त्र प्रहरी बल (एपीएफ) लाई ३ सय २० थान माक्स, ३२ थान फेससिल्ड र ५ लिटर सेनिटाइजर दिइएको छ ।
जिल्ला ट्राफिक प्रहरी कार्यालय सुनसरीलाई २ सय ३० थान माक्स, २३ थान फेससिल्ड र ५ लिटर सेनिटाइजर प्रदान गरिएको छ । त्यस्तैगरी, वडा प्रहरी कार्यालय धरानलाई १ सय थान माक्स, १० थान फेससिल्ड र ५ लिटर सेनिटाइजर तथा अस्थायी प्रहरी कार्यालय धरान १५ लाई ८ थान फेससिल्ड र ८ थान सेनिटाइजर वितरण गरिएको युवा संघले जनाएको छ ।
