विराटनगर । प्रदेश १ मा शुक्रबार १८ जना कोरोना संक्रमित थपिएका छन् । मोरङ र सुनसरीमा ५/५ साथै झापा र इलाममा ४/४ जना संक्रमित थपिएको सामाजिक विकास मन्त्रालयले जनाएको छ ।
Advertisement
मन्त्रालयका अनुसार मोरङको विराटनगरमा ५, सुनसरीको धरानमा २, बराहक्षेत्र, बर्जु र इटहरीमा १/१ जना संक्रमित थपिएका छन् । त्यस्तै झापाको विर्तामोडमा २, अर्जुनधारा, गौरीगञ्जमा १/१ र इलामको चुलाचुलीमा ४ जनाको पीसीआर रिपोर्ट पोजिटिभ आएको हो । योसँगै प्रदेश १ मा संक्रमितको संख्या २९ हजार ९६६ पुगेको छ । जसमध्ये २९ हजार ६०२ संक्रमित निको भएका छन् । संक्रिय संक्रमित २९७ जना छन् ।
प्रदेश १ मा आज ५१ जना कोरोना संक्रमित निको भएका छन् । होम आईसोलेसनमा रहेका ४७ जना संक्रमित निको भएका हुन् । त्यस्तै नोबेल मेडिकल कलेजबाट ३ र मेची अस्पतालबाट १ जना संक्रमित निको भएको डिस्चार्ज भएका छन् ।
