सल्यानमा बस दुर्घटना, दुई जनाको मृत्यु, २५ घाइते

दाङ । दाङबाट रुकुम जाँदै गरेको यात्रु बस आज बिहान सल्यानमा दुर्घटना हुँदा दुई जनाको मृत्यु भएको छ।

Advertisement

दुर्घटनामा २५ जनाभन्दा बढी यात्रु घाइते भएका छन् । घाइतेमध्ये चार जनाको अवस्था गम्भीर रहेको छ । मृतकको सनाखत हुन सकेको छैन ।

इलाका प्रहरी कार्यालय लुहामका अनुसार ना ४ ख ५७५४ नम्बरको बस सल्यानको त्रिवेणी गाउँपालिकाको टुनिबोट नजिक सल्ले खोलामा दुर्घटना भएको हो ।