बैतडी । बैतडीको पाटन नगरपालिका–८ खोड्पेमा गएराती बस दुर्घटना हुँदा नौ जनाको मृत्यु भएको छ । ३४ जना घाइते भएका छन् । दार्चुलाको गन्नाबाट महेन्द्रनगर जाँदै गरेको ना.५ ख.५१४१ नम्बरको बस राति करिब साढे १० बजे दुर्घटना भएको हो ।
Advertisement
दुर्घटनामा परी सात पुरुष र दुई महिलाको मृत्यु भएपनि उनीहरुको शनाखत हुँन बाँकी रहेको जिल्ला प्रहरी कार्यालय बैतडीले जनाएको छ । प्रहरी र स्थानीयवासीले घाइतेहरुलाई उद्धार गरेर उपचारका लागि अस्पताल पठाएका छन् ।
दुर्घटनामा गंभीर घाइते भएका सात जनालाई उपचारका लागि धनगढी लगिएको छ भने बाँकी २७ जनाको डडेल्धुरा अस्पतालमा उपचार भइरहेको छ । घुम्ती सडकबाट बस करिब ६ सय मिटर तल खसेको प्रहरीले जनाएको छ । दुर्घटनाको कारण खुल्न सकेको छैन ।
