धनकुटा, २४ असार । धनकुटाका सात वटै स्थानीय तहमा विजय प्राप्त गरेको नेकपा एमालेले आज जिल्ला सदरमुकाममा विजय सभा आयोजना गरेको छ ।
स्थानीय त्रिवेणी स्कुलको प्राङ्गणमा दिउँसो करिव २ बजेबाट सभा सुरु भएको हो । सभालाई एमालेका केन्द्रिय सदस्य तथा १ नम्बर प्रदेश संयोजक भीम आचार्य, केन्द्रिय सदस्य एवं प्रचार विभागका उप–प्रमुख सूर्य थापा लगायत नेताहरुले संवोधन गरेका छन ।
Advertisement
सभालाई एमाले अध्यक्ष एवं पूर्व प्रधानमन्त्री केपी शर्मा ओलीले संबोधन गर्ने कार्यक्रम छ । धनकुटामा एमालेले ऐतिहासिक विजय प्राप्त गरेपछि त्यसको खुशियालिमा विजय सभा आयोजना गरिएको हो ।
सभा सुरु हुनुअघि धनकुटा बजारमा विजय जुलुश निकालिएको थियो । स्थानीय मदनचौकबाट सुरु भएको जुलुश बजारका बिभिन्न भागको परिक्रमा गर्दै त्रिवेणी स्कुलको प्राङ्गणमा पुगेर सभामा परिणत भएको हो ।
विजय जुलुश र सभाका तस्वीरहरु हेर्नुहोस्…
