नेकपाकी सांसद सानु शिवाको निधन

काठमाडौं । नेपाल कम्युनिष्ट पार्टी नेकपाकी सांसद सानु शिवाको निधन भएको छ। मुटुको समस्या भएकी उनको काठमाडौंको सिनामंगलस्थित केएमसी अस्पतालमा उपचार क्रममा निधन भएको हो। उनी इलामबाट समानुपातिकतर्फ प्रतिनिधि सभा सदस्य निर्वाचित भएकी थिइन्।

कमजोर स्वास्थ्य अवस्था रहेकी शिवाको केहि बर्ष अघिदेखि दुवै मिर्गौलाले काम गर्न छाडेका थिए। उनले भारतमा मिर्गौला प्रत्यारोपण गराएकी थिइन्। पछिल्लो समय उनको मुटुमा भल्भ राखिएको थियो।