काठमाडौं । नेपालमा कोरोना संक्रमितको संख्या एक लाख नाघेको छ । शुक्रबार २ हजार ५९ जनामा कोरोना संक्रमण पुष्टि भएपछि संक्रमितको संख्या एक लाख नाघेको हो ।
Advertisement
संक्रमितको संख्या १ लाख ४ सय ७६ पुगेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए । स्वास्थ्य मन्त्रालयको नियमित प्रेस बिफ्रिङमा गौतमले यस्तो जानकारी दिएका हुन् । यता, सक्रिय संक्रमितको संख्या भने २७ हजार ५३ पुगेको छ । बाँकी ७३ हजार २३ जना निको भएका छन् ।
त्यस्तै, मृत्यु हुँने कोरोना संक्रमितको संख्या ६ सय पुगेको छ । शुक्रबार थप १० जनाको मृत्यु भएपछि मृतकको संख्या ६ सय पुगेको हो । नेपालमा हालसम्म ११ लाख ४५ जनाको पीसीआर परीक्षण भएको स्वास्थ्य तथा जनसंख्या मन्त्रालयले जनाएको छ ।
