नवलपरासी । जिल्ला समन्वय समिति नवलपरासीको कार्यालय भवनमा आज बिहान आगलागी भएको छ ।
आगलागीबाट कार्यालयको सूचना शाखा, सामाजिक विकास शाखा लगायतका कोठामा रहेका सम्पूर्ण कागजात, फर्निचर, कम्प्युटर लगायतका सामग्री पूर्णरुपमा नष्ट भएको छ ।
Advertisement
कागजात तथा भौतिक संरचना गरी आगलागीबाट १० लाख बराबरको क्षति भएको कार्यालयले जनाएको छ ।
मध्यरात १२ बजे बिजुली सर्ट भइ आगलागी लागेको प्रहरीले जनाएको छ ।
सदरमुकाम रामग्राम नगरपालिकाको दमकलले आगो दुई घण्टापछि नियन्त्रणमा लिएको थियो ।
आगलागीबाट संस्थाको रिपोर्ट, जिविसको प्रोफाइल रिपोर्ट, एमसीपीएम रिपोर्ट जिविसको माइन्युट लगायतका अन्य महत्वपूर्ण काजजात जलेको छ ।
दोस्रो तलामा लागेको आगलागीबाट त्यहाँ रहेका कुर्सी, टेबल, दराज लगायतका फर्निचरका सामान समेत पूर्ण रुपमा जलेका छन् ।
