काठमाडौं । ललितपुर जिल्लामा आज कर्फ्यु आदेश जारी भएको छ ।
पुल्चोकमा हिजो निषेधाज्ञा उल्लंघन गरी मछिन्द्रनाथको रथ तान्ने क्रममा स्थानीयबासी र प्रहरीबीच झडप भएपछि सम्भावित घटनालाई मध्यनजर गर्दै स्थानीय प्रशासनले आज बिहान ४ बजेदेखि राति १० बजेसम्मका लागि कर्फ्यू आदेश जारी गरेको हो ।
Advertisement
ललितपुर महानगरपालिकाभित्र बल्खुदेखि मनहरा पुलसम्मको चक्रपथभित्र पर्ने सम्पूर्ण क्षेत्रमा कर्फ्यू आदेश जारी गरिएको छ । कर्फ्यू लगाईएको क्षेत्रभित्र भेला तथा जमघट गर्न निषेध गरिएको छ ।
नियम अवज्ञा गर्नेलाई सुरक्षाकर्मीले गोलीसमेत हान्न सक्ने प्रशासनले जनाएको छ ।
