काठमाण्डौं । सोमबार थप २२६ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या १ हजार ७ सय ९८ पुगेको स्वास्थ्य तथा जनसंख्या मन्त्रालयले जनाएको छ ।
झापाका थप २ जना र उदयपुरका १ जनामा कोरोना संक्रमण देखिएको छ । दैलेखमा ४१ जना, कपिलबस्तुमा ४० जना, रौटहटमा १८ जना, सर्लाहीमा ३८ जना, जुम्लामा १९ जना, कैलालीमा १४ जना र सल्यानमा १० जनामा संक्रमण पुष्टि भएको छ ।
Advertisement
त्यस्तै नवलपरासी पूर्वमा ३ जना, सुर्खेतमा ५ जना, बाँकेमा ७ जना, दाङमा ९ जना, धनुषामा ७ जना, महोत्तरीमा २ जना, मकवानपुरमा १ जना, सिरहामा ५ जना, अछाममा १ जना, डोटीमा १ जना, बैतडीमा १ जना र कञ्चनपुरमा १ जनामा संक्रमण देखिएको छ ।
