धनकुटा । लमजुङमा अलपत्र परेका धनकुटेलीलाई उद्धार गरेर जिल्ला ल्याईएको छ । मजदुरीका लागि लमजुङ पुगेका जिल्लाको चौबिसे गाउँपालिका–२ मुढेवासका ८ जनालाई उद्धार गरेर धनकुटा ल्याईएको हो ।
कामको सिलसिलामा मुढेवासका युवाहरु केही महिना अघि लमजुङ पुगेका थिए । लकडाउनका कारण कामबिहिन भएर अलपत्र परेको थाहा पाएपछि लमजुङको सुन्दरबजार नगरपालिकासँग समन्वय गरेर उनीहरुलाई ल्याईएको चौबिसे गाउँपालिकाका अध्यक्ष खजिन्द्र राईले बताए ।
Advertisement
उनीहरु लमजुङको क्वारेनटाईनमा थिए । त्यहाँबाट लमजुङको सुन्दरबजार नगरपालिकाले गाडीमा राखेर उनीहरुलाई धनकुटा ल्याईदिएको हो । उद्धार गरेर ल्याईएका युवाहरुलाई अहिले मुढेवास स्थित संयुक्त माविको क्वारेनटाईनमा राखिएको चौबिसे गाउँपालिकाले जनाएको छ ।
