काठमाडौँ । सरकारले लकडाउन १२ दिन थप्ने निर्णय गरेको छ । केहीबेरअघि सम्पन्न मन्त्रिपरिषद बैठकले लकडाउनको समय अवधि बढाएर वैशाख १५ गतेसम्म पुर्याउने निर्णय गरेको हो ।
Advertisement
विश्वव्यापी महामारीका रुपमा फैलिएको कोरोना भाइरस संक्रमण रोकथामका लागि सरकारले चैत ११ गतेबाट मुलुकभर लकडाउन गरेको हो । यसअघि दोस्रो पटक थपिएको लकडाउनको म्याद बुधबार (भोलि) सकिदैछ ।
कोरोना संक्रमितको संख्या बढ्दै गएकाले सरकारले लकडाउन पनि थपेको हो । छिमेकी मुलुक भारतले पनि लकडाउन १९ दिनका लागि थप्ने आजै घोषणा गरेको छ ।
