काठमाण्डौं । वीरगञ्जमा रहेका तीन जना भारतीय नागरिकमा कोरोना भाइरस (कोभिड–१९) को संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ ।
Advertisement
मन्त्रालयले आज दिउँसो आफ्नो आधिकारीक फेसबुक पेज मार्फत उनीहरुको कोरोना रिपोर्ट पोजेटिभ आएको पुष्टि गरेको हो । यसअघि बिभिन्न माध्यममा कोरोना भेटिएको खबर बाहिरिएको भएपनि मन्त्रालयले आधिकारीक रुपमा पुष्टि गरेको थिएन । मन्त्रालयले तीन नयाँ व्यक्तिमा कोरोना भेटिएको पुष्टि गरेसँगै अब नेपालमा कोरोना संक्रमितको संख्या १२ पुगेको छ ।
यसअघि ९ जनामा संक्रमण पुष्टि भइसकेको थियो । जसमध्ये एक जना निको भएर घर फर्किसकेका छन् । वाँकी संक्रमितको उपचार भइरहेको छ ।
