धनकुटा । धनकुटा–६ सिरान वजारमा रहेको गोकुण्डेश्वर माध्यमिक बिद्यालय परिसरमा विभिन्न प्रजातिका फलफुलका विरुवा रोपिएको छ ।
विद्यालयमा अध्ययनरत विद्यार्थीले खाजा खर्च कटाएर संकलन गरिएको रकम र शिक्षकको आर्थिक सहयोगमा विभिन्न प्रजातिका विरुवा खरिद गरि विद्यालय परिसरमा वृक्षारोपण गरिएको हो ।
Advertisement
बिद्यालय परिसरमा अशोक, धुपी, क्रिसमस ट्री लगायतका विरुवा रोपिएको छ । गमला खरिद गरि विभिन्न प्रजातिका फुलका विरुमासमेत रोपिएको विद्यालयका शिक्षक एवं फुलवारी व्यवस्थापन समिति संयोजक तुलसी पुरीले जानकारी दिए ।
सो अवसरमा शिक्षक अभिभावक सघंका सदस्य अम्विका पुरी र विद्यालय शिक्षक एवं फुलवारी व्यवस्थापन संयोजक तुलसी पुरीले संयुक्त रुपमा तिन हजार मुल्य वरावरको क्रिसमस ट्री खरिद गरि विद्यालयलाई प्रदान गरेका थिए ।
फलफुलका विरुवा संरक्षणका लागी विद्यालयका प्रध्यानाध्यापक यज्ञप्रकास चापागाईको संयोजकत्वमा फुलवारी अनुगमन समिति पनि निर्माण गरिएको छ । (रेडियो मकालु धनकुटाको सहयोगमा)
