बुटवल । रुपन्देहीको सैनामैनामा गएराति भएको सवारी दुर्घटनामा दुई जनाको ज्यान गएको छ ।
Advertisement
पश्चिमबाट पूर्वतर्फ आउँदै गरेको ना ४ ख ६१०४ नम्बरको यात्रुवाहक बसले विपरीत दिशातर्फ गइरहेको लु ९ प ६१८७ नम्बरको मोटरसाइकललाई सैनामैना–१, रानिबगियामा ठक्कर दिँदा मोटरसाइकलमा सवार दुई जनाको मृत्यु भएको हो ।
बसको ठक्करबाट सैनामैना–६, दुधराक्षका २३ वर्षीया युवराज घिमिरेको घटनास्थलमै मृत्यु भएको छ । घाइते गुल्मी मदाने–१, अग्लुङकी २९ वर्षीया सीता चन्दको भने उपचारको क्रममा लुम्बिनी अञ्चल अस्पतालमा मृत्यु भएको मुर्गिया प्रहरी चौकीले जानकारी दिएको छ ।
मोटरसाइकललाई ठक्कर दिने बस चालक रुकुमका युवराज घर्तीलाई प्रहरीले नियन्त्रणमा लिएको छ ।
