दमौली। तनहुँको व्यास नगरपालिका वडा नं १० बोटेगाउँ नजिकै मादी नदीमा पौडी खेल्न गएका एक बालक शनिबार अपराह्न डुबेर बेपत्ता भएका छन् ।
Advertisement
डुबेर बेपत्ता हुनेमा १२ वर्षीय सागर परियार रहेको जिल्ला प्रहरी कार्यालय, तनहुँले जनाएको छ ।
दुईजना साथीसँग पौडी खेल्न गएका ती बालक नदीमा डुबेर बेपत्ता भएका हुन् । अर्का एक बालकलाई भुमरीमा घुमाइरहेका बेला पवित्रा बोटेले उद्धार गर्नुभएको थियो ।
दुई सयभन्दा बढी स्थानीय बासिन्दा र प्रहरीले बेपत्ता ती बालकको खोजी गरिरहेको व्यास नपा वडा नं १० का वडाध्यक्ष तुलसीराम सापकोटाले बताउनुभयो । सागर चण्डीदेवी राष्ट्रिय मावि, कुमालटारीमा कक्षा ६ मा पढ्ने विद्यार्थी हुन् ।
