मोरङ, २२ असोज । विराटनगर महानगरपालिका क्षेत्रभित्र काजमा खटाईएका शिक्षकले चार महिनादेखि तलव नदिएको भन्दै महानगर परिसरमा धर्ना दिएका छन् ।
Advertisement
नेपालीहरुको महान पर्व दशै तिहार तथा छड पर्वको मुखमा तलव नपाएको भन्दै सोमबार अस्थाई तथा काजका शिक्षकले धर्ना दिएका हुन् । गत असार महिनादेखिको काजमा खटिएका शिक्षकको लागी महानगरसंग तलवको माग गर्दै ज्ञापन पत्र बुझाउँदा पनि सुनुवाई नभएपछि वाध्य भएर धर्ना दिनु परेको नेपाल शिक्षक महासंघका अध्यक्ष बेदुकुमार खतिवडाले बताए ।
चाडपर्वको मुखमा आएर शिक्षकको तलव दिन आनाकानी गरेपछि महानगरभित्र रहेका दुई दर्जन बढी शिक्षकले महानगरमा धर्ना दिएका छन् । यदि धर्नाबाट पनि कुनै सुनवाई नभए थप आन्दोलन गरिने खतिवडाले बताए ।
शिक्षक पोशाक, भत्ता तथा तलव नपाएको उनीहरुको गुनासो छ । दशै अगावै तलब भत्ताको व्यवस्था गर्न माग गरिएको छ ।
