धनकुटा, ७ असोज । धनकुटा नगरपालिका वडा नं. ४ स्थित माघामा हाङ्गचुवा कृषि समुहको भवन निर्माण कार्य सम्पन्न भएको छ ।
Advertisement
प्रदेश सरकार तथा नगरपालिकाको आर्थिक सहयोगमा भवन निर्माण गरिएको समुहका अध्यक्ष दिलकुमारी राईले बताइन् ।
प्रदेश ‘क’ का सांसद निरन राई मार्फत तीन लाख र धनकुटा नगरपालिका ४ नं.वडा कार्यालयको एक लाख सहयोग र स्थानीयको जनश्रमदानबाट भवन निर्माण गरिएको थियो ।
नव निर्मित भवनको प्रदेश सांसद निरन राईले विशेष कार्यक्रमका बिच उद्घाटन गरे ।
महिला समुहको सक्रियता रहेकोले वडा कार्यालयबाट समेत विशेष सहयोग गर्दै जाने वडाध्यक्ष जम्शेर राईले बताए ।
