कञ्चनपुर, २६ मंसिर । कञ्चनपुर प्रतिनिधिसभा निर्वाचन क्षेत्र नं ३ मा नेपाली कांग्रेसका उम्मेदवार रमेश लेखक पराजित भएका छन् ।
Advertisement
नेकपा एमालेका उम्मेदवार दीपक प्रकाश भट्ट २६ हजार ३६४ मत ल्याएर विजयी भएका छन् ।
काग्रेसका लेखकको पक्षमा २६ हजार १०६ मत मात्र खस्यो ।
लेखक २ सय ५८ मतान्तरले एमाले उम्मेदवार दीपक प्रकाश भट्टसँग पराजित भएका हुन् ।
कञ्चनपुर ३ ‘क’ मा पनि एमाले उम्मेदवार विजयी भएका छन् । एमालेका प्रकाश रावल १२ हजार ८१७ मतसहित विजयी भएका हुन् ।
उनका प्रतिस्पर्धी कांग्रेसका यज्ञराज जोशीले १२ हजार ७५४ मत प्राप्त गरे । उनी
६३ मतान्तरले पराजित भए ।
कञ्चनपुर ३ ‘ख’ मा माओवादी केन्द्रका उम्मेदवार विजयी भएका छन् । मान बहादुर सुनार १३हजार ७०० मत ल्याएर विजयी भएका हुन् ।
नेपाली कांग्रेसका उम्मेदवार बेल बहादुर राना मगरले १३ हजार ५३९ मत प्राप्त गरे । उनी १६१ मतान्तरले पराजित भए।
