विराटनगर, २२ मंसिर । सर्वदलीय बैठकपछि मोरङमा शुक्रबार ११ बजेदेखि मतगणना सुरु भएको छ। अहिले मोरङको क्षेत्र नम्बर ३ र ६ को मतगणना सुरु भएको छ।
Advertisement
सो निर्वाचन क्षेत्रको मत गणना तीन ठाउँमा सुरु गरिएको मोरङका मुख्य निर्वाचन अधिकृत राजुकुमार खतिवडाले जानकारी दिए। उनका अनुसार केही समयपछि मोरङका ६ वटै निर्वाचन क्षेत्रको मत गणना हुने बताए।
मोरङमा ६ लाख ४४ हजार ७ सय ८२ मतदाता रहेको जिल्लामा ७२ प्रतिशत मत खसेको क्षेत्रीय निर्वाचन कार्यालय विराटनगरका सूचना अधिकृत हेमन्त श्रीवास्तवले जानकारी दिए। उनका अनुसार मोरङमा ४ लाख ६८ हजार ३ सय ५ मत खसेको छ।
