काभ्रे, ४ मंसिर । काठमाडौंबाट बनेपा आउँदै गरेको बा १८ च ३११९ नम्बरको महेन्द्र बोलेरो जीप काभ्रेको जनागालमा अनियन्त्रित भई पल्टिदा बनेपा–१० का बाबु विष्टको ज्यान गएको छ ।
स्थानीयका अनुसार दुर्घटना हुनुअघि स्थानीय विष्ट सडक किनारामा हिडिरहेका थिए । काठमाडौंबाट बनेपा आउँदै गरेको बोलेरो जीप अनियन्त्रित भई पल्टिएर विष्टलाई किचेको प्रहरीले जनाएको छ ।
Advertisement
विष्टका आफन्त र स्थानीयवासीले सडकमा टायर बालेर प्रदर्शन गर्दै अरनिको राजमार्ग अवरुद्ध पारेका छन् । ठक्कर दिने गाडी र चालकलाई प्रहरीले नियन्त्रणमा लिएको इलाका प्रहरी कार्यालय काभ्रेले जनाएको छ ।
