चितवन, ३० कात्तिक । चितवनको पर्यटकीय नगरी सौराहामा हरेक वर्ष हुँदै आएको हात्ती महोत्सवको १४ औँ संस्करणको तयारी सुरु गरिएको छ ।
Advertisement
क्षेत्रीय होटल संघ सौराहाले महोत्सव एवं अन्र्तराष्ट्रिय हात्ती फाष्ट वाक प्रतियोगिता पुस ११ देखि १५ गतेसम्म सौराहामा गर्न लागेको हो ।
होटल सघ सौराहाका अध्यक्ष सुमन घिमिरेको अध्यक्षतामा भएको भेलाले संघका वरिष्ठ उपाध्यक्ष दिपक भट्टराईको संयोजकत्वमा कार्यसम्पादन समिति गठन गरेको छ ।
जनावरमैत्री हात्ती महोत्सवलाई थप रोचक भव्य रुपमा सम्पन्न गर्न र राष्ट्रिय तथा अन्र्तराष्टिय रुपमा समेत यसको महत्वलाई थप उचाईमा पुराउन काठमाडौँ व्यवस्थापन समिति नै गठन गरेर तयारी सुरु गरेको संयोजक भट्टराईले जानकारी दिए ।
हात्ती महोत्सवको तयारीका काठमाडौँ समितिको संयोजकमा केशव पाण्डेलाई चयन गर्दै तयारी सुरु भएको उनले बताए । यो बर्ष चार चार वटा हात्ती राखि विगत देखि थप गरिएको हात्ती पोलो प्रतियोगितालाई थप गर्नुकासाथै पुष ११ देखि १५ गते सम्म ५ दिन र अंग्रेजी नयाँ बर्ष इस्पेसल संगीतिक नाइट विशेष आर्कषण हुने उनले बताए ।
विगतका वर्षमा निशुःल्क प्रवेश दिइएको यस प्रतियोगितामा यस पटक टिकटको व्यवस्था गरिएको जानकारी दिँदै अध्यक्ष भट्टराईले पर्यटक र दर्शकलाई विशेष सुविधा दिन टिकटसहित मिनि स्टेडियम समेतलाई थप व्यवस्थित बनाईएको बताए ।
प्रतियोगितामा हात्ती फाष्ट वाक, हात्तीका छावाबीचको रोमाञ्चकारी फुटबल, हात्ती सुन्दरी प्रतियोगिता, गाडा दौडसहित राष्ट्रिय तथा स्थानीय कलाकारहरूबाट साँस्कृतिक कार्यक्रम प्रस्तुत गर्ने गरिन्छ ।
साथै यो वर्षबाट टाँगा दौड र डुङ्गा दौड हटाई हात्ती नुहाउने कार्यक्रम थप गरेको आयोजकले जनाएको छ ।
