धनकुटा, २९ कात्तिक । धनकुटामा विप्लव नेतृत्वको नेपाल कम्युनिष्ट पार्टीका जिल्ला सदस्य बिज्ञान भनिने मोहन ओझालाई प्रहरीले पक्राउ गरेको छ । निर्वाचन बिरोधी गतिबिधि गरेको आरोपमा प्रहरीले आज बिहान हिले नजिकबाट ओझालाई पक्राउ गरेको हो ।
निर्वाचन विरोधी कुरा गर्दै मतदाता भड्काउँन काम गरेको पाईएपछि ओझालाई पक्राउ गरिएको धनकुटाका प्रहरी प्रमुख सुदिप राजभण्डारीले संगालोखबरलाई जानकारी दिएका छन ।
Advertisement
यसअघि भएको स्थानीय तह निर्वाचनमा पनि निर्वाचन बिरोधी गतबिधि गरेको आरोपमा धनकुटाबाट नेकपाका जिल्ला इन्चार्जसहित दुई जनालाई प्रहरीले पक्राउ गरिएको थियो ।
पक्राउ परेका उनीहरु निर्वाचन पश्चात छुटेका थिए । निर्वाचन विरोधी गतिबिधि गर्दै आएको भन्दै प्रहरीले नेकपाका नेता–कार्यकर्तामाथि निगरानी बढाएको स्रोतले जनाएको छ ।
